19/Январь/2022 COVID-19
ТОШКЕНТ, 19 январь. /«Дунё» АА/. Ўтган бир-кеча кундузда Ўзбекистонда 1214 кишида коронавирус инфекцияси қайд этилиб, касалланганларнинг умумий сони 208 минг 271 нафарга етди, деб хабар бермоқда «Дунё» АА мухбири.
Янги касалланиш ҳолатлари республикамизнинг барча минтақаларида рўй берди. Энг кўп касалланиш ҳолатлари мамлакатимиз пойтахтида (542), Тошкент (181), Фарғона (161) Самарқанд (45) ва Бухоро (40) вилоятларида кузатилди.
Соғлиқни сақлаш вазирлиги маълумотига кўра, коронавирус инфекциясига чалинган 640 нафар бемор кеча ушбу дарддан фориғ бўлган.
Шу билан бирга, кеча ушбу касаллик оқибатида 3 киши вафот этган.
Айни пайтда мамлакатимиз шифохоналарида коронавирусга чалинган 5 минг 796 нафар беморга даво чоралари кўрилмоқда.
