Uz / Ўз Ru En

Toshkent

Dunyo.info


СиёсатИқтисодиётДолзарбМаданиятСайёҳликМедиаЯна рукнлар

27/Ноябрь/2021   Жамият

Адлия вазирлиги Конституция бўйича билимни синовдан ўтказиш бўйича умуммиллий танловни эълон қилди


ТОШКЕНТ,  27 ноябрь. /«Дунё» АА/. Ўзбекистон адлия вазирлиги томонидан мамлакатимиз Конституциявий суди билан ҳамкорликда юртдошларимизнинг Асосий қонун ҳақидаги билимини синовдан ўтказиш мақсадида умуммиллий Конституция имтиҳони ўтказилади, деб хабар бермоқда «Дунё» АА мухбири.

Имтиҳонда 15 ёшга тўлган ва ундан катта барча фуқаролар қатнашиши мумкин.

Имтиҳонда иштирок этиш ихтиёрий, бепул ва барча учун очиқдир.

Имтиҳон қуйидаги 2 босқичда ташкил этилади:

1-босқич - тест синови. 1 декабрь куни соат 09.00 дан 13.00 гача онлайн шаклда бўлиб ўтади.

Бунинг учун ҳар бир иштирокчи 8-dekabr.adliya.uz сайтида рўйхатдан ўтиши керак. Рўйхатдан ўтиш 15 ноябрдан 30 ноябрга (шу куни ҳам) қадар давом этади.

Тест синови 20 та тест саволи ва 1 та ижодий саволдан иборат.

Тест саволларининг барчасига энг қисқа муддатда тўғри жавоб берган ишгирокчилар орасидан 50 нафари танлаб олиниб, уларнинг ижодий саволга берилган жавоблари кўриб чиқилади.

Баҳолаш натижасига кўра энг юқори балл тўплаган 10 нафар иштирокчи навбатдаги босқичга ўтади.

2 босқич - суҳбат. Мазкур босқич 8 декабрь – Конституция куни арафасида ташкил этилиб, бунда ҳар бир иштирокчига 10 тадан савол берилади.

Якунда энг юқори натижани қайд этган 3 нафар иштирокчи ғолиб, деб топилади.

Танловнинг 2-босқич жараёнлари онлайн шаклда транслация қилинади.

Ғолиблар қуйидагича тақдирланади:

1-ўрин - 15 миллион сўм;

2-ўрин - 10 миллион сўм;

3-ўрин - 5 миллион сўм.

Шунингдек, имтиҳонга аҳолини кенг жалб этиш бўйича куратор сифатида волонтёрлар ҳам иштирок этиши мумкин. Бунда энг кўп иштирокчи жалб этган 3 нафар волонтёр махсус эсдалик совғалари билан тақдирланади.

Мавзуга оид

Россия кўп тармоқли миграция марказининг...

Тошкентдаги “Ишга марҳамат” мономарказида Россия кўп тармоқли миграция марказининг Ўзбекис...

Екатеринбургда “Ўзбек тили дўстлари” клу...

Мамлакатимизнинг Екатеринбург шаҳридаги Бош консуллигида “Ўзбек тили дўстлари” клубининг т...

Марказий Осиё ва Каспий гидроэнергетикас...

V Халқаро конгрес ҳамда «Марказий Осиё ва Каспий гидроэнергетикаси 2021» кўргазмаси арафас...

Сўнгги янгиликлар