25/Март/2023 Жамият
МИНСК, 25 март. /«Дунё» АА/. Беларусь давлат университети лицейида Наврўз айёми тантаналари бўлиб ўтди, деб хабар бермоқда «Дунё» АА мухбири.
Тадбирда Ўзбекистон, Тожикистон, Туркманистон, Озарбайжон, Туркия, Эрон ва Фаластин давлатлари дипломатик ваколатхонлари вакиллари ҳамда Беларусда таҳсил олаётган хорижлик талабалар иштирок этишди.
Байрам тантанаси давомида ўзбекистонлик талабалар томонидан тайёрланган маданий дастур меҳмонларда катта таассурот қолдирди.
Шунингдек, тадбирда ўзбек халқ ҳунармандчилиги намуналари намойиш этилди ҳамда иштирокчиларга Ўзбекистоннинг сайёҳлик салоҳиятига оид тарғибот материаллари тарқатилди.
Байрам меҳмонларига ўзбек миллий таомларидан палов ва кўксомса улашилди.
