Uz / Ўз Ru En

Toshkent

07/Май/2021   Сиёсат

БМТ Бош котиби: Ер ҳароратининг юқори даражага кўтарилиши жаҳон ҳамжамияти олдига иқлим бўйича янги вазифаларни қўймоқда


ТОШКЕНТ, 7 май. /«Дунё» АА/. БМТ Бош котиби Антониу Гутерриш иқлим бўйича конференцияда огоҳлантирди: “2020 йили Ер ҳарорати кейинги 3 миллион йил давомида энг юқори даражага кўтарилди, бу жаҳон ҳамжамияти олдига иқлим бўйича янги вазифаларни қўймоқда”, деб хабар бермоқда «Дунё» АА мухбири.

БМТ Янгиликлар маркази Антониу Гутерришнинг қуйидаги сўзларини келтиради: “Ўтган йил мислсиз экстремал об-ҳаво ва иқлим катаклизмалари даврларидан яна бири бўлди. Карбонат ангидрид концентрацияси яна янги максимал даражага – саноатлашув давригача бўлган даражадан 148 фоизга кўтарилди. Бу 3 миллион йил ичидаги энг юқори даражадир. Ўшанда Ер ҳарорати 3 даража, денгиз сатҳи эса тақрибан 15 метр юқори бўлган”.

2020 йили сайёрамиз ҳарорати саноатлашув давригача бўлган даражадан 1,2 Цельсий юқори даражани ташкил этди.

“Бу илмий ҳамжамият томонидан белгиланган 1,5 даражадаги чегарага яқинлашгани билан хавфлидир.  Биз ҳамон аср охирида рўй бериши мумкин бўлган 2,4 даражали ҳарорат кўтарилиши томон ҳаракатланаяпмиз. Биз ҳақиқатан ҳам жар ёқасидамиз”, деди БМТ Бош котиби.

Шу ўринда Антониу Гутерриш “агар биз биргаликда иш олиб борсак инсониятни хийла мусаффо ва яшил йўлга йўналтириш учун иқлим ўзгаришларининг энг оғир оқибатларини бартараф эта олишимиз, COVID-19 пандемиясидан кейинги тикланиш имкониятларидан самарали фойдаланишимиз мумкин” эканлигини қайд этди.

Эслатиб ўтамиз, 2018 йили Ўзбекистон Иқлим ўзгаришлари бўйича Париж битимига (Париж, 2015 йил 12 декабрь) қўшилган.

Мавзуга оид

Олий Мажлис Сенатининг видеоконференция ...

лий Мажлис Сенатининг учинчи ялпи мажлиси Тошкент шаҳрида Олий Мажлис Сенатининг мажлислар...

Ўзбекистон ташқи ишлар вазири Доҳада Қат...

Доҳада Ўзбекистон ташқи ишлар вазири Абдулазиз Комилов бугун Қатарнинг Афғонистон бўйича М...

Якшанба куни Қирғизистонда президент сай...

Сўнгги маълумотларга кўра, Қирғизистондаги навбатдан ташқари президентлик сайловларида Сад...

Сўнгги янгиликлар