27/Май/2021 COVID-19
ТОШКЕНТ, 27 май. /«Дунё» АА/. Ўтган бир сутка давомида Ўзбекистонда коронавирус инфекцияси қайд этилганлар сони 280 тага ортиб, умумий касалланганлар 99 минг 344 нафарга етди, деб хабар бермоқда «Дунё» АА мухбири.
Соғлиқни сақлаш вазирлиги маълумотига кўра, якшанба куни 269 нафар коронавирус инфекциясига чалинган беморлар ушбу дарддан фориғ бўлиб, касалликдан соғайганлар сони 94 минг 952 нафарни ташкил этмоқда.
Шунингдек, 1 нафар коронавирусга чалинган бемор вафот этиб, ушбу касалликдан вафот этганлар сони 685 нафарни ташкил қилди.
Айни пайтда мамлакатимиз шифохоналарида коронавирусга чалинган 3 минг 707 кишига шифокорлар томонидан белгиланган стандартлар бўйича даво чоралари кўрилмоқда.
