Uz / Ўз Ru En

Toshkent

Dunyo.info


22/Март/2021   Маданият

Дубайда Наврўзга бағишланган онлайн-“давра суҳбати” ўтказилди


ДУБАЙ, 22 март. /«Дунё» АА/. Ўзбекистоннинг Дубай шаҳридаги Бош консулхонаси томонидан Бирлашган Араб Амирликлари (БАА)да истиқомат қилиб келаётган ватандошлар иштирокида Наврўз байрамига бағишланган онлайн шаклда “давра суҳбати” ўтказилди, деб хабар бермоқда “Дунё” АА мухбири.

Анжуманда БААнинг турли йирик корхоналарида меҳнат фаолияти олиб бораётган ва олий таълим муассасаларида таҳсил олаётган юртдошларимиз фаол иштирок этди.

Тадбир доирасида Бирлашган фаол ватандошлар вакили Алишер Алихон Наврўз айёмига бағишланган видеотақдимотни йиғилганлар эътиборига ҳавола этди. Унда иштирокчилар Наврўз байрамини нишонлашнинг асосий жиҳатлари, ушбу баҳор байрамининг келиб чиқиш тарихи, юртимизнинг барча гўшаларида ўтказиладиган  халқ сайиллари, миллий ўйинлар, фольклор жамоаларининг концерт дастурлари, халқимизнинг бой урф-одатлари ва қадриятлари ҳақида қизиқарли маълумотга эга бўлди.

Шунингдек, Бош консулхона ходимлари томонидан тадбир қатнашчиларига мамлакатимиз ижтимоий-сиёсий ва бошқа соҳаларида амалга оширилаётган ўзгаришлар, тараққиётнинг устувор йўналишларида эришилган ютуқлар ҳақида батафсил ахборот берилди.

Ўзбекистон Республикаси ва Бирлашган Араб Амирликлари ўртасидаги таълим, савдо-иқтисодий, сармоявий ва бошқа йўналишлардаги ҳамкорликни ривожлантириш ва кенгайтиришга қўшаётган ҳиссаси учун юртдошларимизга миннатдорлик билдирилди.

“Давра суҳбати” қатнашчилари Наврўз байрами муносабати билан ўзларининг самимий табрик ва тилакларини изҳор этди.

Мавзуга оид

Таиландда Ўзбекистон маданияти ва санъат...

Мамлакатимизнинг Бангкокдаги Бош консулхонаси томонидан Таиланд пойтахтидаги “St.Andrews ...

Алишер Навоий номидаги Ўзбекистон давлат...

ТурСтат» агентлиги томонидан томошабинлар орасида машҳурлик, сайтларининг фаолияти ва ижти...

Сеулда "Рангсиз тушлар" фильмининг намо...

"Ўзбеккино" Миллий агентлиги маълумотига кўра, Жанубий Кореянинг Сеул шаҳрида режиссёр Аюб...

Сўнгги янгиликлар