31/Март/2023 Конституциявий ислоҳотлар
ПАРИЖ, 30 март. /«Дунё» АА/. Ўзбекистон Республикаси Конституциясига киритилиши таклиф этилаётган ўзгаришларнинг мазмун-моҳияти юзасидан “Пари Сакле” университети магистранти Гавҳар Мирхалилова “Дунё” ахборот агентлигига қуйидаги фикр-мулоҳазаларини баён этди:
- Ҳозирги кунларда мамлакатимиз ҳаётининг ҳар бир жабҳасида муайян ижобий ўзгаришларга гувоҳ бўлаяпмиз.
– Конституцияга ўзгартишлар киритиш бўйича ўтказилиши режалаштирилган умумхалқ референдуми Янги Ўзбекистон тарихида алоҳида аҳамият касб этадиган сиёсий тадбир бўлиб қолади, деб ўйлайман. Чунки бу жараён Ўзбекистон келажагига мустаҳкам пойдевор яратиш, Ватанимиз мустақиллигини асраб-авайлаш ва янада мустаҳкамлаш, “Инсон қадри учун” тамойилига асосланган ислоҳотларни жадал давом эттиришга қаратилгани билан аҳмиятлидир.
Ушбу муҳим сиёсий тадбирда фаол иштирок этиш Ўзбекистоннинг ҳар бир фуқароси учун бурчдир, деб биламан.
