16/Ноябрь/2022 Ўзбекистоннинг ТДТга раислиги
ФРАНКФУРТ-МАЙН, 16 ноябрь. /«Дунё» АА/. Германиянинг «RusVerlag.de» электрон нари саҳифасида «Туркий давлатлар ташкилоти туркий дунё манфаати йўлида ҳамкорлик қилиш учун истиқболли платформадир» сарлавҳа остида мақола эълон қилинди, деб хабар бермоқда «Дунё» АА мухбири.
Унда жорий йил 10-11 ноябрь кунлари Самарқандда Туркий давлатлар ташкилотининг саммити бўлиб ўтгани ва бу Ўзбекистоннинг мазкур халқаро ташкилотга раислигининг бошланиши бўлгани қайд этилган.
Мақолада, шунингдек, ТДТ доирасидаги янги тенденция энергетика, транспорт ва туризм соҳасидаги турли лойиҳаларни фаоллаштириш бўлиб, бу ташкилотнинг иқтисодий фаолиятини янада ривожлантиришга асос бўлиши алоҳида таъкидланган.
«Узоқ муддатли истиқболда ТДТ Европа, Яқин Шарқ, Кавказ ва Марказий Осиё ўртасидаги кенг маконда субминтақавий ташкилот ва ўзига хос минтақавий ҳамкорлик механизмига айланади», деб ёзади «RusVerlag.de».
