Uz / Ўз Ru En

Toshkent

31/Январь/2020   Иқтисодиёт

Халқаро амалиёт: Дипломатик корпус ва уларга тенглаштирилган ваколатхоналар учун қўшилган қиймат солиғи қоплаб берилади


ТОШКЕНТ, 31 январь. /“Дунё” АА/. Ўзбекистон Республикаси Ташқи ишлар вазирлиги қошидаги Дипломатик корпусга хизмат кўрсатиш бюросида хорижий мамлакатлар дипломатик корпус ва уларга тенглаштирилган ваколатхоналар вакиллари билан давра суҳбати ўтказилди.

Тадбир Ўзбекистон Республикаси Молия вазирлиги, Давлат солиқ қўмитаси томонидан ташкил этилди.

Ўзбекистон Республикасининг янги таҳрирдаги Солиқ кодекси жорий йилнинг 1 январидан кучга кирди. Унда чет эл дипломатик корпуслари ва уларга тенглаштирилган ваколатхоналар расмий фойдаланиши, шунингдек, ушбу ваколатхоналар дипломатик ва маъмурий-техник ходимлари ҳамда улар оила аъзоларининг шахсий фойдаланиши учун товарларни харид қилишда тўланган қўшилган қиймат солиғини қоплаб бериш тартиби белгиланган.

Учрашув иштирокчиларига ушбу тартиб ҳақида батафсил маълумот берилди.

Қайд этиш жоиз, бу каби амалиёт ривожланган мамлакатларда кенг қўлланилади. Хусусан, мамлакатимиз дипломатлари, техник ходим ва улар оила аъзолари бундай имкониятлардан кенг фойдаланиб келмоқда.

Анжуманда дипломатик корпус вакиллари мамлакатимизда янги Солиқ кодекси билан мазкур тартибнинг жорий этилиши ижобий баҳолашди.

Тадбирда иштирокчиларни қизиқтирган саволларга жавоб қайтарилди.

Мавзуга оид

Жанубий Корея вакиллари билан Навоий вил...

Томонлар Навоий вилоятидаги «Саутбай» участкасида металл конларини қазиб олиш лойиҳаси дои...

Ўзбекистон Инвестициялар ва ташқи савдо ...

Россия Федерацияси ветеринария ва фитосанитария назорати Федерал хизмати (Россельхознадзор...

ИТСВ: Ишчи гуруҳ Сурхондарё вилоятининг ...

Кеча Ўзбекистон Бош вазирининг ўринбосари Сардор Умурзоқов раҳбарлигидаги ишчи гуруҳ Сурхо...

Сўнгги янгиликлар