Uz / Ўз Ru En

Toshkent

06/Январь/2021   Иқтисодиёт

Инновацион ривожланиш вазири Ўзбекистоннинг хориждаги элчилари билан учрашди


ТОШКЕНТ, 6 январь. /«Дунё» АА/. Ўзбекистон Республикаси Инновацион ривожланиш вазири Иброҳим  Абдураҳмонов Ўзбекистон Республикасининг хориждаги дипломатик ваколатхоналари раҳбарлари билан учрашди, деб хабар бермоқда «Дунё» АА мухбири.

Учрашувда Ўзбекистон Республикаси  Инновацион ривожланиш  вазирлигининг  2018-2020 йиллардаги  фаолияти натижалари ва келгусидаги режалари ҳақида сўз борди.

Иброҳим Абдураҳмонов Исроил компанияси билан ҳамкорликда шаҳар магистрал тизимларини таъмирлаш ишлари бўйича технологияни трансфер қилиб Ўзбекистонда жорий этиш бўйича лойиҳа амалга оширилаётгани ҳақида маълумот бериб ўтди.

Фаол ҳамкорлик ишлари олиб борилаётган давлатлар сифатида Хитой Халқ Республикаси, Россия Федерацияси, Ҳиндистон ва Беларусь эътироф этилди.

Истиқболдаги режаларда Ҳиндистон билан коронавирусга қарши вакцина бўйича ишлар амалга оширилиши таъкидлаб ўтилди.

Бугунги кунда «Routern.com» компанияси билан ҳамкорликда Сунъий интеллектни ривожлантириш ва инновацион технологияларни трансфер қилиш бўйича ишлар олиб борилмоқда.

Шунингдек, Ўзбекистон Россия Федерацияси билан қўшма илмий лойиҳалар амалга оширилмоқда. Беларусга ёш олимларни қисқа муддатли илмий стажировкаларга юбориш яхши йўлга қўйилган.

Учрашув давомида ушбу соҳада амалга оширилиши зарур бўлган истиқболдаги вазифалар, ҳамкорликдаги лойиҳалар бўйича фикр алмашилди.

Мавзуга оид

Молиявий ҳисоботнинг халқаро стандартлар...

Ўзбекистон Республикаси Президентининг 2020 йил 24 февралдаги қарорига мувофиқ, Ўзбекистон...

Маҳаллий тадбиркорлар ва экспортчиларга ...

Тадбиркорлик субъектларини қўллаб-қувватлашнинг ноанъанавий механизм ва алгоритмларни импл...

Ташқи савдони Тариф ва нотариф тартибга ...

Жорий йилнинг 21 сентябрь куни Ўзбекистон Республикаси Бош вазирининг ўринбосари, инвестиц...

Сўнгги янгиликлар