Uz / Ўз Ru En

Toshkent

Dunyo.info


16/Сентябрь/2021   Иқтисодиёт

ИТСВ: Жорий йилнинг ўтган етти ойи давомида Ўзбекистон-Британия ўртасидаги савдо айланмаси 52,5 фоизга ошди


ТОШКЕНТ, 16 сентябрь. /«Дунё» АА/. Ўзбекистон инвестициялар ва ташқи савдо вазирининг биринчи ўринбосари Лазиз Қудратов Буюк Британиянинг Жанубий Осиё ва Ҳамдўстлик ишлари бўйича давлат вазири Лорд Тариқ Аҳмад билан учрашди, деб хабар бермоқда «Дунё» АА мухбири.

Инвестициялар ва ташқи савдо вазирлигидан маълум қилинишича, музокаралар чоғида икки мамлакат ўртасидаги инвестициявий ва савдо-иқтисодий ҳамкорликни кенгайтириш истиқболлари, шунингдек, Савдо ва саноат бўйича Ўзбекистон-Британия Кенгашининг 25-йиғилиши доирасида эришилган келишувларнинг амалга оширилиши муҳокама қилинди.

Британия томони Ўзбекистонда инвестициявий ва ишбилармонлик муҳитини яхшилашни кўзлаб олиб борилаётган кенг кўламли ислоҳотларни олқишлади.

Суҳбат чоғида томонлар ўзаро савдонинг ижобий динамикасини, хусусан, ковиддан кейинги даврдаги ўсишини қайд этдилар. Жумладан, жорий йилнинг январ-июль ойларида икки мамлакат ўртасидаги савдо айланмаси 52,5 фоизга ошди. Буюк Британиядан инвестицияларни жалб қилиш кўрсаткичлари ҳам сезиларли ўсишни кўрсатмоқда.

Молиявий-техник ҳамкорлик масалаларига ҳам тўхталиб ўтилди. Британия томонига Жаҳон банки билан ҳамкорликда «Марказий Осиёда иқтисодий тараққиётни самарали бошқариш» дастури (ESD) доирасида Ўзбекистонда иқтисодий ислоҳотларни муваффақиятли ҳаётга татбиқ этишда кўрсатилаётган ёрдам учун миннатдорлик билдирилди. «TAF2 COVID19 Rapid Response Facility» гранти доирасида пандемиянинг Ўзбекистон экспорт тузилмасига салбий таъсирини баҳолаш лойиҳасини амалга оширишда эришилган ютуқлар ҳам қайд этилди.

Музокаралар якунида томонлар кўриб чиқилган ҳамкорликнинг барча йўналишлари доирасида фаол ва мунтазам равишда мулоқот қилишга содиқлигини билдирдилар. Шунингдек, Британия томони билан жорий лойиҳаларни илгари суриш ва инвестиция ва савдо ҳамкорлигининг янги йўналишларини ишлаб чиқиш учун яқиндан ҳамкорлик қилишга келишиб олинди.

Мавзуга оид

Ўзбек экспортёрлари «Дунё» ахборот аген...

Ўзбек экспортёрлари «Дунё» ахборот агентлиги нигоҳида...

Шўртан газ кимё мажмуасида тозаланган ме...

Шўртан газ кимё мажмуасида тозаланган метан гази асосида суюқ ёқилғи ишлаб чиқариш ва Маж...

Турк компанияларининг Наманган вилоятига...

Наманган вилоят ҳокимлигида Туркиянинг «HBB» ва «Etalon homes» компаниялари вакиллари била...

Сўнгги янгиликлар