Uz / Ўз Ru En

Toshkent

Dunyo.info


СиёсатИқтисодиётДолзарбЎзбекистон дунё нигоҳидаЯна рукнларАрхив

01/Март/2023   Парламент

Латвия Сеймида Ўзбекистон Олий Мажлиси билан Парламентлараро ҳамкорлик бўйича янги гуруҳ тузилди

РИГА, 1 март. /«Дунё» АА/. Латвия парламентида Сейм ва Ўзбекистон Олий Мажлиси ўртасидаги ҳамкорликни рағбатлантириш бўйича янги гуруҳ тузилди, деб хабар бермоқда «Дунё» АА мухбири.


Сеймдаги аввалги гуруҳ 2019 йил ноябрда ташкил этилган ва 2022 йил 1 октябрда Латвияда бўлиб ўтган парламент сайловларига қадар фаолият юритган.

Ўзбекистон элчиси Қадамбой Султонов ва Латвия Сейми спикери Эдвардс Смилтенс ўртасида 7 февраль куни бўлиб ўтган учрашувда мазкур Парламентлараро ҳамкорлик институти фаолиятини қайта тиклаш бўйича келишувга эришилди.

Қайд этилганидек, парламентлараро алоқалардаги ушбу муҳим механизм ишининг қайта тиклангани Латвия Сеймининг Ўзбекистон Олий Мажлиси билан ҳамкорликни янада мустаҳкамлашга интилишидан далолат беради.

Сеймдаги гуруҳга Миллий иқтисодиёт, қишлоқ хўжалиги, экология ва минтақавий ривожланиш комиссиясининг Атроф муҳити, иқлим ва энергияни муҳофаза қилиш бўйича қуйи қўмитаси раиси, «Бирлаштирилган рўйхат» партияси аъзоси Андрис Кулбергс бошчилик қилади.

«Янги бирлик» партияси аъзоси Ирма Калыньня унинг ўринбосари этиб тайинланди. Гуруҳ 10 нафар депутатдан иборат.

2020 йил 10 июндан бошлаб Ўзбекистон Олий Мажлисининг Қонунчилик палатасида Латвия Сейми билан ҳамкорлик бўйича дўстлик гуруҳ фаолият кўрсатади. Ушбу гуруҳга Олий Мажлис қуйи палатаси спикерининг ўринбосари Улуғбек Иноятов бошчилик қилмоқда.

Мавзуга оид

Олий таълим ва капитал қурилиш соҳаларин...

Кеча Ўзбекистон Республикаси коррупцияга қарши курашиш миллий кенгашининг мажлиси бўлиб ўт...

Тошкентда Олий Мажлис Сенатининг 33-ялпи...

Бугун Олий Мажлис Сенатининг ўттиз учинчи ялпи мажлиси ўз ишини бошлади...

Қонунчилик палатаси 9 ой давомида: 104 м...

Январь–сентябрь ойларида Ўзбекистон Олий Мажлиси Қонунчилик палатаси депутатларига жамоатч...

Сўнгги янгиликлар