04/Сентябрь/2020 Жамият
САМАРҚАНД, 4 сентябрь. /«Дунё» АА/. Махсус поездда Самарадан йўлга чиққан 922 нафар юртдошимиз Самарқанд шаҳрига етиб келди, деб хабар бермоқда «Дунё» АА мухбири.
Республика махсус комиссияси Ўзбекистон фуқароларини Россия Федерациясининг Самара вилоятидан олиб келиш учун «Тошкент – Кинел –Тошкент» йўналишида махсус поезд рейсини ташкил этиш тўғрисида қарор қабул қилган эди.
Россия ва Қозоғистон томони билан келишувга биноан, жорий йилнинг 31 август куни “Ўзбекистон темир йўллари” акциядорлик жамияти поездида 922 нафар юртдошимиз “Кинел” станциясидан Ўзбекистонга йўлга чиққан эди.
Мазкур поезд 2 сентябрь куни Самарқанд шаҳрига етиб келди. Ушбу рейс орқали олиб келинган барча фуқаролар автобусларда вилоятдаги карантин зоналарига етказилди.
