07/Февраль/2023   Маданият

Малайзияда таҳсил олаётган ўзбекистонлик талаба: Буюк аждодларимиз тарғиб қилган инсоний фазилатлар биз учун ҳамиша юксак аҳамиятга эга бўлиб қолади

КУАЛА-ЛУМПУР, 7 феварь. /«Дунё» АА/. Малайзиянинг Осиё-Тинч океани технология ва инновация университети талабаси Савлатжон Меликов «Дунё» АА учун интервьюсида Алишер Навоий таваллудининг 582 йиллиги ва Заҳириддин Муҳаммад Бобур таваллудининг 540 йиллигига бағишланган фикрларини билдирди.

 - Бу йил юртимиз тарихидаги буюк сиймолар Алишер Навоий туғилган куннинг 582 йиллиги ва Заҳириддин Муҳаммад Бобур таваллудининг 540 йиллиг ини кенг нишонламоқдамиз.

Анъанага кўра, февраль ойи мазкур буюк шоир ва давлат арбоблари меросига яна бир назар ташлашимизга яхши фурсат тақдим этади.

Aлишер Навоий ва Бобурнинг бебаҳо ижодий ва маънавий мероси нафақат халқимиз тарихида, балки жаҳон маданиятида ҳам алоҳида ўрин тутади.

Буюк аждодларимиз тарғиб қилган инсоний фазилатлар, жумладан, олижаноблик, инсонпарварлик, меҳр-саҳоват, эзгулик, халқлар дўстлиги ғояларининг аҳамияти биз, ёшлар учун ҳамиша юксак аҳамиятга эга бўлиб қолади.