Uz / Ўз Ru En

Toshkent

29/Июль/2021   Сайлов - 2021

Марказий сайлов комиссияси Ўзбекистон Президенти сайловида иштирок этиш учун бешта сиёсий партиянинг ваколатли вакилларини рўйхатга олди


ТОШКЕНТ, 29 июль. /«Дунё» АА/. Бугун Марказий сайлов комиссияси Тадбиркорлар ва ишбилармонлар ҳаракати – Ўзбекистон либерал-демократик партияси, Ўзбекистон «Адолат» социал-демократик партияси, Ўзбекистон «Миллий тикланиш» демократик партияси, Ўзбекистон Халқ демократик партияси ҳамда Ўзбекистон Экологик партияси ваколатли вакилларига белгиланган шаклдаги гувоҳнома (мандат)ни берди, деб хабар бермоқда «Дунё» АА мухбири.

Марказий сайлов комиссияси Матбуот хизмати маълумотига кўра,  бундан аввалроқ Марказий сайлов комиссиясининг видеоконференция алоқаси шаклидаги навбатдаги мажлиси бўлиб ўтди. Мажлисни Марказий сайлов комиссияси раиси Зайниддин Низамходжаев бошқарди.

Мажлис кун тартибига биноан сиёсий партияларнинг ваколатли вакилларини рўйхатга олиш масаласи кўриб чиқилди.

Ўзбекистон Сайлов кодексининг 34-моддасида белгиланганидек, Ўзбекистон Президентлигига номзодлар, Қонунчилик палатаси депутатлигига номзодлар, маҳаллий Кенгашлар депутатлигига номзодлар кўрсатган сиёсий партия сайлов комиссиясининг мажлисларида, ҳужжатларни топширишда, имзо варақалари тўғри тўлдирилганлигини текширишда, сайлов участкасида овозларни санаб чиқишда иштирок этиш учун ваколатли вакил тайинлашга ҳақли.

Ўзбекистон Марказий сайлов комиссиясининг 2019 йил 11 сентябрдаги 935-сонли қарори билан Сиёсий партиянинг ваколатли вакили тўғрисида низом тасдиқланган. Мазкур Низомга мувофиқ, Марказий сайлов комиссиясининг мажлисларида, ҳужжатларни топширишда, имзо варақалари тўғри тўлдирилганлигини текширишда иштирок этиш учун сиёсий партия юқори органининг раҳбари сайлов кампанияси бошланганлиги расман эълон қилинган кундан бошлаб беш кунлик муддатда ўз ваколатли вакилини тайинлайди ҳамда уни рўйхатдан ўтказиш учун Марказий сайлов комиссиясига тегишли ҳужжатларни тақдим этади. Марказий сайлов комиссияси, ўз навбатида, сиёсий партия томонидан тавсия этилган ваколатли вакил номзодига тегишли ҳужжатларни кўриб чиқиб, уч кунлик муддатда уни рўйхатга олади ва унга белгиланган шаклда мандат беради.

23 июль куни Марказий сайлов комиссияси томонидан Ўзбекистон Президенти сайлови бўйича сайлов кампанияси бошланишини эълон қилиш тўғрисида қарор қабул қилинди.

Шундан сўнг, мамлакатимиз сиёсий майдонида фаолият олиб бораётган бешта сиёсий партия раҳбарлари ўз ваколатли вакилларини тайинлаб, уларни рўйхатдан ўтказиш учун Марказий сайлов комиссиясига мурожаат этди ва тегишли ҳужжатларни тақдим қилди.

Марказий сайлов комиссияси Тадбиркорлар ва ишбилармонлар ҳаракати – Ўзбекистон либерал-демократик партияси, Ўзбекистон “Адолат” социал-демократик партияси, Ўзбекистон “Миллий тикланиш” демократик партияси, Ўзбекистон Халқ демократик партияси ҳамда Ўзбекистон Экологик партияси раҳбарлари тавсия этган ваколатли вакилларга тегишли ҳужжатларни кўриб чиқиб, ваколатли вакилларни рўйхатга олиш ҳамда уларга белгиланган шаклдаги гувоҳнома (мандат)ни бериш ҳақида қарор қабул қилди.

Юқоридагиларга асосан, куннинг иккинчи ярмида Марказий сайлов комиссияси томонидан сиёсий партияларнинг ваколатли вакилларига уларнинг рўйхатга олинганлиги ҳақида гувоҳномалар (мандат) топширилди.

Қонунчиликка кўра, сиёсий партия ваколатли вакилининг ваколат муддати сайлов якунлари тўғрисидаги ахборот матбуотда эълон қилинган кундан эътиборан тугаган ҳисобланади.

Мазкур институтнинг сайлов кампанияси даврида фаол иш олиб бориши сайловларнинг ошкоралиги, адолатлилиги ва қонунунийлигини таъминлашга ҳамда сайлов комиссиялари фаолияти устидан жамоатчилик назоратини амалга оширишга хизмат қилади.

Мавзуга оид

Марказий сайлов комиссиясида барча беш п...

Бугун Марказий сайлов комиссиясининг навбатдаги йиғилиши бўлиб ўтд...

Брюсселда Ўзбекистон Президенти сайловиг...

Мамлакатимизнинг Брюсселдаги элчихонаси томонидан Европа Осиё тадқиқотлари институти билан...

Жанубий Кореяда Ўзбекистон Президенти са...

Ўзбекистон элчихонаси томонидан жорий йил 24 октябрь куни мамлакатимизда бўлиб ўтадиган Ўз...

Сўнгги янгиликлар