04/Июнь/2022 ТИВ янгиликлари
ТОШКЕНТ, 4 июнь. /«Дунё» АА/. Кеча Қозоғистон раислигида МДҲга аъзо давлатлар ташқи ишлар вазирликлари юридик хизматлари раҳбарлари маслаҳат қўмитасининг 32-йиғилиши видеоконференция шаклида бўлиб ўтди, деб хабар бермоқда «Дунё» АА мухбири.
Ўзбекистон ТИВ Шартнома-ҳуқуқ бошқармаси маълумотига кўра, йиғилишда Арманистон, Беларусь, Қозоғистон, Қирғизистон, Россия, Тожикистон ва Ўзбекистондан маслаҳат қўмитаси аъзолари ҳамда МДҲ Ижроия қўмитаси вакиллари иштирок этди.
Тадбирда томонлар МДҲга аъзо давлатларга юборилган делегацияларнинг ҳуқуқий мақоми тўғрисидаги Конвенция лойиҳасини тайёрлашни муҳокама қилди. Шунингдек, халқаро ҳуқуқий масалалар бўйича ҳамкорлик ва халқаро мажбуриятларни бажариш бўйича ҳужжат ишлаб чиқиш зарурлиги ҳамда МДҲ доирасидаги бошқа долзарб мавзулар юзасидан фикр алмашди.
Муҳокама қилинган масалалар юзасидан Протокол қабул қилинди.
