24/Январь/2023 Ўзбекистоннинг ИҲТга раислиги
ТОШКЕНТ, 24 январь. /«Дунё» АА/. Озарбайжон ТИВ Иқтисодий ҳамкорлик департаменти директори Орхан Зейналов “Дунё” АА мухбири билан бўлиб ўтган суҳбат чоғида бугун Тошкентда бўлиб ўтган Иқтисодий ҳамкорлик ташкилоти (ИҲТ) Ташқи ишлар вазирлари кенгашининг 26-йиғилиши якунларини қуйидагича шарҳлади:
- Ўзбекистоннинг Иқтисодий ҳамкорлик ташкилотидаги мезбонлигидан миннатдормиз. Ўзбекистоннинг ушбу ташкилотдаги раислиги жуда фаол ва самарали кечди. Биз Ўзбекистон олиб борган тадбирларни тўла қўллаб-қувватладик.
Озарбайжон 2023 йилда Иқтисодий ҳамкорлик ташкилотига раислик қилади. Биз Ўзбекистон раислиги даврида эришилган муваффақиятларни изчил давом эттирамиз. Шу билан бирга, биз ИҲТ мақсадларига эришиш учун барча манфаатдор томонларни, халқаро ташкилотларни, аъзо давлатлар ва молиявий институтларни ўз атрофимизда бирлаштиришга ҳаракат қиламиз.
Ўзбекистоннинг ИҲТга раислигида олиб борган барча тадбирлар ва самарали ишлар учун яна бир бор миннатдорлик билдирамиз. Озарбайжон раислиги даврида Ўзбекистон ва бошқа аъзо давлатлар билан яқин ҳамкорликнинг самараларини интиқлик билан кутамиз.
«Дунё» АА сурати.
