10/Май/2023   Саналар

Ўзбекистон ТИВ раҳбари Озарбайжон умуммиллий етакчиси Ҳайдар Алиевнинг Тошкент шаҳридаги ёдгорлигига гул қўйиш маросимида иштирок этди

ТОШКЕНТ, 10 май. /«Дунё» АА/. Ўзбекистон  ташқи  ишлар вазири Бахтиёр Саидов  бугун  Озарбайжон  умуммиллий  етакчиси Ҳайдар  Алиев  таваллудининг 100 йиллигига  бағишланган тантанали  тадбирда  иштирок этди, деб  хабар  бермоқда «Дунё» АА мухбири.

«Бугун  Ҳайдар  Алиев таваллудининг 100 йиллигини нишонлаш тадбирида қатнашдик, - деб ёзди Ўзбекистон ТИВ раҳбари ўзининг  телеграм каналида. - 2022 йилда Тошкентда Озарбайжон умуммиллий етакчиси шарафига номланган кўча ва ёдгорлик очилган. Биз Ўзбекистон-Озарбайжон ҳамкорлигининг ҳозирги ҳолатидан  мамнунмиз ва уни барча йўналишларда янада бойитиш учун бор имкониятимизни сафарбар қиламиз».

Эслатиб ўтамиз, бугун озарбайжон халқи ва унинг хориждаги дўстлари муҳим сана – буюк давлат арбоби, доно сиёсатчи ва атоқли шахс, Ўзбекистон-Озарбайжон муносабатларини ривожлантириш ва мустаҳкамлашга салмоқли ҳисса қўшган Озарбайжон Республикаси Президенти Ҳайдар Алиев таваллудининг 100 йиллигини нишонламоқда.