19/Февраль/2021 Спорт
ТОШКЕНТ, 19 февраль. /«Дунё» АА/. 22-27 февраль кунлари Украинанинг Кривой Рог шаҳрида бокс бўйича спорт устаси А.Асауленко хотирасига бағишланган халқаро турнир ташкил этилади. Ушбу мусобақада Ўзбекистон терма жамоаси вакиллари ҳам иштирок этади. Бугун тонгда терма жамоамиз аъзолари халқаро турнирда қатнашиш учун жўнаб кетди, деб хабар бермоқда «Дунё» АА мухбири Ўзбекистон миллий олимпия қўмитаси маълумотига таяниб.
Делегация таркибига спортчилар Содирбек Камолмирзаев (52 кг), Абдумалик Халаков (57 кг), Хуршид Расулжонов (57 кг), Шунқор Абдурасулов (63 кг), Жаҳонгир Раҳмонов (69 кг), Жавлонбек Йўлдошев (69 кг), Саиджамшид Жаффаров (75) кг), Темурхон Собуров (81 кг), Шохжаҳон Абдуллаев (91 кг), Жамшид Худойберганов (91 кг), шунингдек, терма жамоа мураббийлари Илёс Раҳимжонов, Даврон Ғофуров, Қўлдошбой Тожибоев киритилди. Жамоа шифокори - Комилжон Расулов.
Юртдошимиз Аҳмед Фозилов мусобақада ҳакам сифатида фаолият олиб боради.
