23/Июнь/2022 Ҳамкорлик
БРЮССЕЛЬ, 23 июнь. /«Дунё» АА/. Кеча Брюсселда Ўзбекистон Бош вазирининг ўринбосари, туризм ва маданий мерос вазири Азиз Абдуҳакимов Европа комиссияси вице-президенти Маргаритис Схинас билан учрашди, деб хабар бермоқда «Дунё» АА мухбири.
Учрашувда Ўзбекистон ва ЕИ ўртасидаги турли соҳа ва форматдаги ҳамкорликни ривожлантириш истиқболлари муҳокама қилинди.
ЕИ вице-президенти сўнгги йилларда республикада амалга оширилаётган ижобий ўзгаришларни юқори баҳолади. Европа томони мамлакатда ҳаётга тадбиқ этилаётган кенг кўламли ислоҳотларни қўллаб-қувватлашини, жамият ҳаётининг деярли барча соҳаларини қамраб олишини билдирди.
Ўзаро алоқаларни янада мустаҳкамлаш учун зарур чора-тадбирлар кўришга ҳар икки томон ҳам тайёрлиги алоҳида таъкидланди.
Томонлар бўлажак тадбирлар, жумладан, Самарқандда ўтказиладиган «ЕИ-Марказий Осиё» вазирларининг ўзаро боғлиқлик ва барқарор ривожланиш бўйича конференцияси юзасидан фикр алмашди. Европа комиссия вице-президенти ушбу тадбирда иштирок этишга қизиқиш билдирди.
