13/Май/2022 ТИВ янгиликлари
ТОШКЕНТ, 13 май. /«Дунё» АА/. Ўзбекистон ташқи ишлар вазири вазифасини бажарувчи Владимир Норов бошчилигидаги делегация бугун Душанбе шаҳрида очилган Мустақил Давлатлар Ҳамдўстлиги Ташқи ишлар вазирлари кенгашининг (МДҲ ТИВК) навбатдаги мажлисида иштирок этмоқда, деб хабар қилмоқда «Дунё» АА мухбири.
Тадбирда халқаро кун тартибидаги долзарб масалалар ва МДҲ доирасидаги ҳамкорлик, қўшма дастурлар ижросини муҳокама қилиш, шунингдек, Ҳамдўстлик Давлат раҳбарлари кенгашига тақдим этиладиган ҳужжатлар лойиҳалари юзасидан фикр алмашилади.
Маълум қилинганидек, Ўзбекистон делегацияси Душанбега ташриф доирасида Марказий Осиё мамлакатлари ташқи ишлар идоралари раҳбарларининг навбатдаги йиғилишида иштирок этади ва қатор икки томонлама учрашувлар ўтказади.
