19/Январь/2021 Спорт
ТОШКЕНТ, 19 январь. /«Дунё» АА/. Оғир атлетика бўйича Ўзбекистон миллий терма жамоаси Украинада ўқув-машғулот йиғинини бошлади, деб хабар бермоқда «Дунё» АА мухбири.
Баҳром Мендибоев бошчилигида терма жамоа аъзолари 3 ҳафта давомида Украинанинг Каменец-Подольский шаҳрида машғулотлар олиб боради. Сўнгра машғулотлар Туркияга кўчирилиши режалаштирилган.
Ушбу йиғинлар оғир атлетикачиларимиз учун апрель ойида Тошкентда ўтказиладиган Токио олимпиадасига йўлланмалар тақдим этувчи лицензион мусобақа — Осиё чемпионатига тайёргарлик вазифасини ўтайди.
