Uz / Ўз Ru En

Toshkent

04/Декабрь/2020   Сиёсат

Ўзбекистон Президенти Тошкент металлургия заводи имкониятлари билан танишди


ТОШКЕНТ, 4 декабрь. /«Дунё» АА/. Президент Шавкат Мирзиёев Тошкент металлургия заводидаги технологик жараён билан танишди, деб хабар бермоқда «Дунё» АА мухбири.

Ўзбекистон Президенти матбуот хизмати хабарига кўра, ушбу корхона техник ва технологик жиҳатдан халқаро миқёсдаги йирик мажмуалар қаторига киради. Бу ерда Италия, Германия, Россия, Австрия, Швейцария, Жанубий Корея каби 27 та мамлакатдан асбоб-ускуналар келтириб ўрнатилган. Ишлаб чиқариш, назорат қилиш ва бошқариш жараёнлари автоматлаштирилган. 

Энг муҳими, заводда “яшил” технологиялар қўлланган. Чиқиндиларни қисқартириб, қатъий экологик меъёрларга амал қиладиган, чиқинди газларни ушлаб қоладиган, оқова сувларни тозалайдиган ва бошқа зарур ускуналар билан жиҳозланган.

Мажмуа мутасаддилари ишлаб чиқарувчилар билан йўлга қўйиладиган кооперация алоқалари ҳақида маълумот берди. Завод маҳсулотларига ҳозирнинг ўзидаёқ ўнлаб корхоналардан буюртмалар тушаётгани айтилди.

- Металл муаммо бўлгани учун саноатда занжир йўқ эди. Бу завод ишга тушиши билан талаб юқори бўлган металлургия маҳсулотини ишлаб чиқариш занжири шаклланади. Ҳудудларда яна юзлаб корхоналарнинг барпо этилиши учун жуда катта замин бўлади, - деди Шавкат Мирзиёев.

Давлатимиз раҳбари заводнинг шоурумида ҳам бўлиб, бу ерда ишлаб чиқариладиган маҳсулотлар намуналарини кўздан кечирди.

Эсдалик учун дарахт кўчати экилди.

Мавзуга оид

Ўзбекистон раислигида пайшанба куни МДҲ ...

Ўзбекистон Ташқи ишлар вазирлиги эртага, 10 декабрь куни Ўзбекистон Республикасининг Муста...

Ўзбекистон Президенти бугун Ёшлар форуми...

Бугун Президент Шавкат Мирзиёев Ўзбекистон ёшлари форумида иштирок этади...

Коронавирус билан оғриган беморларни даъ...

23 июль куни Президент Шавкат Мирзиёев раислигида навбатдаги видеоселектор йиғилиши ...

Сўнгги янгиликлар