08/Апрель/2022 Ўзбекистоннинг ШҲТга раислиги
ТОШКЕНТ, 8 апрель. /«Дунё» АА/. Ўзбекистон Тошкентда бўлиб ўтган Шанхай ҳамкорлик ташкилоти (ШҲТ)га аъзо давлатлар илм-фан ва техника вазирликлари ва идоралари раҳбарларининг олтинчи йиғилишида ШҲТга аъзо давлатларда инновацияларни қўллаб-қувватлаш, ёш олимлар ва мутахассисларнинг халқаро илмий тадбирларда иштирокини кучайтириш мақсадида фан ва технологиялар соҳасида мукофот таъсис этишни таклиф қилди, деб хабар бермоқда «Дунё» АА мухбири.
Ёш олимлар учун фан ва техника соҳасидаги мукофот ШҲТга аъзо давлатлар фуқароларига ушбу мукофотга номзодларнинг кейинги изланишларини рағбатлантириш, янги илмий кашфиётлар ва инновацион ютуқлар учун қулай шароитлар яратиш мақсадида фан ва технологияларни ривожлантиришга қўшган салмоқли ҳиссаси учун берилиши мумкин.
