01/Октабрь/2022 ТИВ янгиликлари
ТОШКЕНТ, 1 октябрь, /“Дунё” АА/. Ўзбекистон Ташқи ишлар вазирлиги Афғонистон пойтахтида содир этилган зўравонлик ҳаракатларининг ташкилотчилари ва ижрочиларини аниқлашда барча зарур чораларни кўришга чақирди, деб хабар бермоқда “Дунё” АА мухбири.
“Кобул ғарбидаги таълим марказида содир этилган қабиҳ террорчилик хуружи оқибатида ўнлаб инсонлар, асосан, қизлар ҳалок бўлгани ва жароҳатлангани ҳақидаги хабарни чуқур қайғу билан қабул қилдик, - деб таъкидланган ТИВ баёнотида. - Яна рўй берган зўравонлик ҳаракатларни кескин қоралаган ҳолда, мазкур ёвуз ва ғайриинсоний хуруж ташкилотчилари ҳамда ижрочиларини аниқлашда барча зарур чораларни кўришга чақирамиз.
Ҳалок бўлганларнинг оила аъзолари ва яқинларига чуқур ҳамдардлик билдирамиз, жароҳатланганларнинг тезроқ соғайиб кетишини тилаймиз”.
