27/Март/2023 ТИВ янгиликлари
ТОШКЕНТ, 27 март. /«Дунё» АА/. Ўзбекистон ташқи ишлар вазирининг ўринбосари Баҳромжон Аълоев бугун Қатар элчиси Ҳасан Ҳамза Ҳошим билан учрашув ўтказди, деб хабар бермоқда «Дунё» АА мухбири.
ТИВ маълумотига кўра, суҳбат чоғида Ўзбекистон ва Қатар ўртасидаги кўп қиррали шериклик муносабатларининг ҳозирги ҳолати ва уларни янада ривожлантириш истиқболлари муҳокама қилинди.
Олий ва юқори даражада ўтказилиши режалаштирилган тадбирлар жадвали, уларнинг ташкилий ва мазмуний жиҳатлари юзасидан фикр алмашилди.
Мулоқот давомида томонларни қизиқтирган бошқа масалалар ҳам кўриб чиқилди.
Анвар Илёсов олган сурат («Дунё» АА).
