Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

02/Декабрь/2022   Таълим

Ўзбекистон ва Ҳиндистон тўқимачилик соҳасида етакчи кадрларни тайёрлаш бўйича ҳамкорлик истиқболлари муҳокама қилмоқда

ДЕҲЛИ, 2 декабрь. /«Дунё» АА/. Республикамизда тўқимачиликни янада ривожлантириш, илғор хорижий тажрибани жалб қилишга кўмаклашиш бўйича олиб борилаётган ишлар доирасида мамлакатимизнинг Ҳиндистондаги элчиси Дилшод Аҳатов Ҳиндистоннинг Мода технологиялари миллий институти бош директори Шри Шантману билан учрашди, деб хабар бермоқда  «Дунё» АА мухбири.


Учрашувда тўқимачилик соҳасида етакчи, меҳнат бозорида талаб юқори бўлган кадрларни тайёрлаш соҳасида ҳамкорликни янада кенгайтириш истиқболлари муҳокама қилинди.

Ҳинд томони соҳада юқори малакали кадрлар тайёрлаш, ўқув услубларига инновацион, замонавий таълим технологияларини татбиқ этиш, “ноу-хау”лар бўйича фикр ва тажриба алмашиш борасида ўзбекистонлик ҳамкасблари билан ҳамкорликка тайёрлигини билдирди.

Шунингдек, Ҳиндистон олий ўқув юрти профессор-ўқитувчиларини Тошкент тўқимачилик ва енгил саноат институти академик дастурларига жалб қилиш ҳамда яқин келажакда тегишли қўшма факультет очиш имкониятларини кўриб чиқиш бўйича қатор келишувларга эришилди.

Маълумот ўрнида: 1986 йилда Ҳиндистон Тўқимачилик вазирлиги ҳузурида ташкил этилган Мода технологиялари миллий институти мамлакатдаги тўқимачилик саноати, хусусан мода, дизайн, тўқимачилик технологиялари ва менежмент соҳалари учун профессионал кадрларни тайёрлаш бўйича етакчи олий таълим муассасаси ҳисобланади. Институт мамлакат бўйлаб 17 та филиалга эга бўлиб, унинг ҳузурида турли йўналишларда тадқиқот марказлари фаолият кўрсатади. Ҳозирда институт дунё миқёсида ушбу йўналишдаги энг нуфузли олий ўқув юртларининг 10 талигига киради.

Мавзуга оид

Ўзбекистон-Беларусь университетлараро он...

Беларусь таълим вазирлигининг “Халқаро алоқалар маркази” гуманитар-таълим унитар корхонас...

Тошкент ва Нагоянинг мактаб ўқувчилари о...

Кеча Нагоя шаҳридаги Шимолий юқори мактабининг 1-синф ўқувчилари ва Тошкент Давлат шарқшун...

Ўзбекистон ва Италия мода ва дизайн инст...

Ўзбекистоннинг Италиядаги элчихонаси ташаббуси билан Камолиддин Беҳзод номидаги Миллий рас...

Сўнгги янгиликлар