29/Январь/2023 ТИВ янгиликлари
ТОШКEНТ, 29 январь. /“Дунё” АА/. Ўзбекистон Ташқи ишлар вазирлигида Польша Ташқи ишлар вазирлиги Шарқ департаменти директори Малгожата Коциура-Кажмиерска билан видеоконференцалоқа шаклида мулоқот бўлиб ўтди, деб хабар бермоқда “Дунё” АА мухбири.
Суҳбат чоғида сиёсий, парламентлараро, савдо-иқтисодий ва маданий-гуманитар соҳалардаги Ўзбекистон-Польша кўп қиррали ҳамкорлигининг бугунги ҳолати ва истиқболлари муҳокама қилинди.
Режалаштирилган қўшма тадбирлар ва турли даражалардаги ташрифларнинг тақвими, ташкилий ва мазмуний жиҳатлари кўриб чиқилди.
Томонларнинг халқаро ташкилотлар доирасида, жумладан, “Ўзбекистон – Европа Иттифоқи” шаклидаги ўзаро алоқалари юзасидан фикр алмашилди.
Турли йўналишларда конструктив мулоқотни янада мустаҳкамлашга ўзаро тайёрлик тасдиқланди.
