Uz / Ўз Ru En

Toshkent

01/Декабрь/2020   Сиёсат

Ўзбекистон ва Қозоғистон Президентлари телефон орқали мулоқотда икки томонлама муносабатларни мустаҳкамлашнинг долзарб масалаларини муҳокама қилдилар


ТОШКЕНТ, 1 декабрь. /«Дунё» АА/. Ўзбекистон Республикаси Президенти Шавкат Мирзиёев  бугун Қозоғистон Республикаси Президенти Қасим-Жомарт Тоқаев билан телефон орқали мулоқот қилди, деб хабар бермоқда «Дунё» АА мухбири.

Давлатимиз раҳбари Қозоғистоннинг кўп миллатли халқини давлат байрами – Биринчи Президент куни билан самимий қутлаб, тинчлик, фаровонлик ва равнақ тилади.

Ўзбекистон Президенти матбуот хизмати хабарига кўра, суҳбат чоғида Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди. Амалий ҳамкорликка оид қўшма лойиҳа ва дастурларни, аввало, савдо-иқтисодий, инвестициявий ва гуманитар соҳаларда илгари суришга алоҳида эътибор қаратилди.

Президентлар халқаро кун тартибини, жумладан, шу ойда Ўзбекистон Республикаси раислигида бўлиб ўтадиган МДҲ саммитига тайёргарлик кўриш масалаларини ҳам муҳокама қилдилар. Ҳамдўстлик ва бошқа минтақавий ҳамда глобал тузилмалар доирасидаги яқин мулоқотни давом эттиришга тайёр эканликларини таъкидладилар.

Суҳбат сўнгида қардош мамлакатларимиз ўртасидаги кенг кўламли ҳамкорликни ривожлантиришга икки томоннинг ҳам интилиши қатъий экани тасдиқланди.

Мавзуга оид

Парламент дипломатияси дунё мамлакатлари...

Олий Мажлис Қонунчилик палатасининг Халқаро ишлар ва парламентлараро алоқалар қўмитаси том...

Тиббиёт ва илм-фан соҳаларида долзарб ма...

Ўзбекистон Республикаси Президенти Шавкат Мирзиёев 27 январь куни соғлиқни сақлаш соҳасини...

Ўзбекистон Республикаси Президентининг Т...

Бугун, 27 март куни, Ўзбекистон Республикаси Президенти Шавкат Мирзиёев ва Туркманистон Пр...

Сўнгги янгиликлар