07/Февраль/2023 Маданият
СЕУЛ, 7 февраль. /«Дунё» АА/. Ўзбекистон элчихонаси ходимларининг Халқ ижодиёти халқаро ташкилотининг Осиё минтақаси бош котиби, Халқаро туркий маданият ташкилотининг Осиё ва Тинч океани минтақаси маслаҳатчиси Мун Хён Сок билан учрашуви бўлиб ўтди, деб хабар бермоқда «Дунё» АА мухбири.
Унда Ўзбекистон ва Жанубий Корея ўртасида 2023 йилда ҳамкорликда ўтказилиши режалаштирилган маданий соҳадаги тадбирлар юзасидан фикр алмашилди.
Ўзбекистон санъаткорларининг жорий йил 21-24 февраль кунлари ўтказилиши режалаштирилган 7-Чеджудо халқаро хор фестивали ва симпозиумида иштирок этиш масалалари муҳокама қилинди. Мун Хён Сок бўлажан тадбир доирасида икки томонлама ҳамкорликни янада ривожлантиришга оид музокаралар, йирик шаҳарлар мэрлари билан учрашувлар ўтказиш кўзда тутилаётганини маълум қилди.
