03/Июнь/2021 ТИВ янгиликлари
ТОШКЕНТ, 3 июнь. /«Дунё» АА/. 2021 йил 25 майдан эътиборан Ўзбекистон ҳукумати билан Глобал яшил ўсиш институти (GGGI) ўртасида GGGIнинг ҳуқуқий мақоми ҳамда имтиёз ва иммунитетлари тўғрисидаги битим кучга кирди, деб хабар бермоқда «Дунё» АА мухбири.
Мамлакатимиз Ташқи ишлар вазирлиги шартнома-ҳуқуқ департаменти маълум қилишича, ҳужжат 17 моддадан иборат бўлиб, GGGIнинг Ўзбекистонда фаолият юритиши билан боғлиқ ташкилий-ҳуқуқий масалалар, хусусан, институтнинг мақоми, имтиёз ва иммунитетлар масаласини тартибга солади.
Битимнинг кучга кириши GGGIнинг Ўзбекистондаги офисини тўлақонли фаолият юритиши учун ҳуқуқий асос бўлиб хизмат қилади. Шунингдек, мазкур ташкилот билан ҳамкорликда «яшил» тараққиёт соҳасидаги лойиҳаларни амалга оширишга имконият яратади.
