28/Март/2023 Ўзбекистон дунё нигоҳида
АШХОБОД, 28 март. /«Дунё» АА/. Туркманистонинг «News Central Asia» ахборот агентлиги томонидан Ўзбекистонда Конституциявий қонун лойиҳаси бўйича ўтказиладиган референдумга бағишланган мақола эълон қилинди, деб хабар бермоқда «Дунё» АА мухбири.
Нашрда Ўзбекистон Конституциявий қонун лойиҳаси бўйича референдум жорий йилнинг 30 апрель куни бўлиб ўтиши маълум қилинган. Ушбу қарор Олий Мажлис Қонунчилик палатасининг 10 март куни бўлиб ўтган мажлисида қабул қилинди.
«Ўзбекистон Конституциявий ислоҳотлар бўйича комиссия 2022 йилнинг июнь ойида дастлабки Конституциявий қонун лойиҳасини чоп этган эди. Шундан кейин бир неча ой давомида жамоатчилик муҳокамалари бўлиб ўтди», дейилади материалди.
Мақолада қайд этилишича, 30 апрелдаги референдумда таклиф этилаётган ислоҳотлар аҳоли томонидан маъқулланса, бу Ўзбекистон Конституциясига ўттиз йилдан ортиқ вақтдан бери киритилган энг муҳим ўзгартиш ва қўшимчалар бўлади.
