30/Декабрь/2022   Факт

Ўзбекистондан энг кўп мева ва савзовот сотиб олган давлатлар рўйхатида Қозоғистон етакчи бўлди

ТОШКЕНТ, 30 декабрь. /«Дунё» АА/. Жорий йилнинг  январь-ноябрь ойларида Ўзбекистон жами 1 миллиард доллар ҳажмидаги мева ва сабзавотларни экспорт қилди, деб хабар бермоқда «Дунё» АА мухбири.

Давлат статистика қўмитаси маълумотига кўра,  Ўзбекистондан ўтган 11 ой давомида энг кўп мева ва сабзавот маҳсулотлари экспорт қилинган давлатлар рўйхатида Қозоғистон етакчилик қилди.

Унга кўра, Қозоғистонга умумий ҳажми 606,6 тоннага тенг ўзбек мева ва савзовот маҳсулотларини сотиб олди.  Кейинги ўринларда Россия (512,5 минг тонна), Қирғизистон (146 минг тонна),  Хитой  (105,6  минг тонна),  Покистон (51,5 минг тонна), Афғонистон (34,8 минг тонна), Беларусь (22,8 тонна), Тожикистон (21,5 минг тонна), Туркия (15 минг тонна), Эрон (11 минг тонна), Грузия (105,5 минг тонна), Озарбайжон (8,5 минг тонна), Украина (7,6 минг тонна), БАА (6 минг тонна) ва Германия (3,1)  қайд этилган.