Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

06/Декабрь/2022   Ўзбекистон дунё нигоҳида

Парижда очилган Ўзбекистон кўргазмалари немис ОАВ диққат марказида

ФРАНКФУРТ-МАЙН, 6 декабрь. /«Дунё» АА/. Германиянинг «Fair-news» онлайн нашри саҳифасида «Яқин олти ой ичида Ўзбекистоннинг иккита кўргазмаси Париж музейларининг асосий диққатга сазовор манзилларига айланади» сарлавҳали  мақола эълон қилинди, деб хабар бермоқда «Дунё» АА мухбири.


Унда қайд этилганидек, “Президент Шавкат Мирзиёевнинг Францияга расмий ташрифи чоғида икки давлат раҳбарлари машҳур Лувр музейида «Ўзбекистон воҳалари хазиналари. Карвон йўллари чорраҳасида», шунингдек, Араб дунёси институтида «Самарқандга йўл. Ипак ва олтин мўжизалари» кўргазмаларини очиб бердилар. «Ҳар икки кўргазма Ўзбекистон тарихи ва маданияти тараққиётининг катта даврини қамраб олган».

«Fair-news» нашрининг ёзишича, 2018 йил октябрь ойида Ўзбекистон раҳбари Францияга илк расмий ташрифи чоғида Лувр музейига ташриф буюрган эди. «Ўша пайтга келиб ушбу музейда Ўзбекистоннинг бой тарихий-маданий меросига бағишланган кенг кўламли кўргазма ўтказиш ғояси тилга олинган ва бу давлат раҳбари томонидан қизғин қўллаб-қувватланган эди, - деб ёзади онлайн нашр. - Франция раҳбарияти ҳам ҳамкорликка қизиқиш билдирди. Кўп йиллик ҳамкорликда олиб борилган ишлар ва изланишлар натижасида Ўзбекистон ҳудудида жаҳон аҳамиятига молик бир қанча археологик ёдгорликлар топилди ва улар қайта тикланди. Ўзбекистон дунёга тарихий ва маданий жиҳатдан жуда қимматли осори-атиқаларни намойиш этиш мумкинлиги аён бўлди. Ижрочи директор Гаяне Умерова вакиллигида Ўзбекистон санъат ва маданиятини ривожлантириш жамғармаси ва Лувр музейи ўртасида ҳамкорлик битими имзоланди».

Мақолада таъкидланганидек, Луврдаги кўргазма қарийб икки минг йиллик тарихни ўз ичига олган бўлиб, замонавий Ўзбекистон ҳудудида мавжуд бўлган турли цивилизациялар маданиятининг кўп қиррали кўринишини ўзида акс эттирган.

 

Мавзуга оид

Саудия Арабистони нашри Ўзбекистоннинг У...

Саудия Арабистонининг «Okaz» газетаси веб-сайтида «Ўзбекистон Украинадан 3 минг 245 нафар...

Жанубий Корея матбуоти терроризмга қарши...

Жанубий Кореяда чоп этиладиган «The Korea Post» журнали терроризмга қарши курашда Марказий...

Шанхай ҳамкорлик ташкилотига аъзо давлат...

Эроннинг «Fars news» ахборот агентлиги томонидан «Владимир Норов: Самарқанд саммити доира...

Сўнгги янгиликлар