Uz / Ўз Ru En

Toshkent

29/Октабрь/2020   Вазирлик янгиликлари

Польша элчиси Ўзбекистондаги фаолиятини якунлаяпти


ТОШКЕНТ, 29 октябрь. /«Дунё» АА/. Ўзбекистон Республикаси ташқи ишлар вазири Абдулазиз Комилов бугун мамлакатимиздаги дипломатик фаолиятини якунлаётган Польша Республикасининг Фавқулодда ва мухтор элчиси Пётр Ивашкевични қабул қилди, деб хабар бермоқда «Дунё» АА мухбири.

Ташқи ишлар вазирлиги хабарига кўра, учрашувда Ўзбекистон – Польша кўп қиррали муносабатларининг жорий ҳолати ва ривожланиш истиқболлари муҳокама қилинди.

Сўнгги йилларда фаоллашган савдо-иқтисодий ва сармоявий ҳамкорликни янада ривожлантириш Польша билан ҳамкорликнинг асосий йўналиши экани таъкидланди. Ўзбекистон пандемия шароитида ҳам қишлоқ хўжалиги маҳсулотларини Польшага экспорт қилмоқда. Натижада 2020 йил январь-сентябр ойларида савдо айланмаси ҳажми ўтган йилнинг шу даврига нисбатан 8,8 фоизга ўсди.

Суҳбат давомида маданий-гуманитар ҳамкорликни янада фаоллаштириш, хусусан, таълим соҳасидаги алоқаларни кенгайтиришга қизиқиш билдирилди. Ҳозирги кунда Андижонда Варшава менежмент университети филиалини очиш лойиҳасини амалга ошириш ишлари олиб борилаётгани таъкидланди.

Учрашув якунида элчининг икки мамлакат ўртасидаги муносабатларни мустаҳкамлаш ва ривожлантиришдаги фаолиятига юқори баҳо берилди.

Элчи Польшанинг Тошкент шаҳридаги дипломатик ваколатхонаси раҳбари сифатидаги фаолияти қўллаб-қувватлангани учун миннатдорлик билдирди.

Мавзуга оид

Ўзбекистон номзоди Туркий кенгаш Бош ко...

Ўзбекистон Республикаси Ташқи ишлар вазирлигига Туркий тилли давлатлар ҳамкорлик кенгаши (...

Ўзбекистоннинг БМТдаги доимий вакилига ю...

Ўзбекистон Республикаси Президентининг фармонига биноан, мамлакатимизнинг БМТдаги доимий в...

Россиядаги элчихонада бош консул бўлиб и...

Мамлакатимизнинг Москвадаги элчихонаси бош консули Меҳриддин Хайриддинов Ўзбекистон Респуб...

Сўнгги янгиликлар