01/Декабрь/2020 Спорт
ТОШКЕНТ, 1 декабрь. /«Дунё» АА/. Осиё Футбол конфедерацияси (ОФК) расмий сайти томонидан ўтказилган Марказий Осиёнинг энг машҳур футбол клуби сўровномасида ғолиб номи аниқланди, деб хабар бермоқда «Дунё» АА мухбири.
Сўровномага кўра, Қаршининг «Насаф» футбол клуби энг кўп овоз тўплаб, Марказий Осиёнинг энг машҳур футбол клуби номини қўлга киритди.
Қирғизистон Республикасининг «Олай» ФК иккинчи, Тошкентнинг «Пахтакор» футбол клуби эса учинчи ўринда қайд этилди.
Тожикистоннинг «Истаравшан» футбол клуби кучли тўртликни якунлаб берди.
