Uz / Ўз Ru En

Toshkent

19/Январь/2021   Маданият

Қозоғистон Республикаси Марказий давлат музейида қорақалпоқ маданиятига бағишланган стенд очилди


ОЛМА-ОТА, 19 январь. /«Дунё» АА/. Қорақалпоқ диаспораси вакилларининг ташаббуси билан Олма-отадаги Қозоғистон Республикаси Марказий давлат музейида қорақалпоқ маданиятига бағишланган стенд очилди, деб хабар бермоқда «Дунё» АА  мухбири.

Шу муносабат билан ташкил этилган тадбирда Олма-ота шаҳри ва вилоятида яшовчи қорақалпоқ диаспораси вакиллари ҳамда Ўзбекистон Бош консулхонаси ходимлари иштирок этди.

Унда сўзга чиққанлар ҳар бир халқнинг маданий келиб чиқишига алоҳида эътибор билан муносабатда бўлишнинг муҳимлигини таъкидлади ва музей раҳбариятига ушбу ташаббусни қўллаб-қувватлагани учун миннатдорлик билдирди.

Шунингдек, ушбу ташаббус Ўзбекистон ва Қозоғистон ўртасидаги ривожланиб бораётган маданий-гуманитар алоқаларнинг муносиб тасдиғи эканлиги айтиб ўтилди. Стендни тайёрлаган ташаббускор гуруҳ шахсий коллекциялардан йиғилган миллий либослар, заргарлик, уй-рўзғор буюмлари, мусиқа асбоблари намойиш этиладиган экспозицияни ташкил қилишда катта ҳажмдаги ишни амалга оширди.

Олма-отадаги қорақалпоқ этно-маданий марказининг галдаги режаси — қорақалпоқ халқининг бадиий ва ҳунармандчилик маҳсулотлари ҳамда уй-рўзғор буюмлари кўргазмасини ташкил этишдан иборат.

Мавзуга оид

Тошкентда Замонавий санъат маркази ташки...

«Тошкент шаҳрида Замонавий санъат маркази фаолиятини ташкил этиш чора-тадбирлари тўғрисида...

ЮНEСКО Бош директорининг маданият масала...

ЮНEСКО Бош директорнинг маданият масалалари бўйича ўринбосари Эрнесто Оттоне жорий йил 15 ...

Россиядаги халқаро кинофестивалда ўзбек ...

Жорий йил 14-18 ноябрь кунлари Россияда ҳарбий-ватанпарварлик мавзусидаги XVII «Волоколамс...

Сўнгги янгиликлар