16/Март/2023 ТИВ янгиликлари
ТОШКЕНТ, 16 март. /«Дунё» АА/. Европа мамлакатлари ва Европа иттифоқи институтлари билан ҳамкорлик бошқармаси раҳбари Ойбек Шахавдинов Норвегия ТИВнинг Хавфсизлик сиёсати ва Узоқ Шимол департаменти бош директори Кнут Хауге билан видеоконференция шаклида музокаралар ўтказди, деб хабар бермоқда «Дунё» АА мухбири.
Учрашувда Ўзбекистон ва Норвегия ўртасидаги ҳамкорликнинг бугунги ҳолати ва уни ривожлантириш истиқболлари, хусусан, сиёсий ва савдо-иқтисодий ҳамкорликни фаоллаштириш, мамлакатлар ўртасидаги парламент алоқаларини чуқурлаштириш масалалари муҳокама қилинди.
Кнут Хауге Норвегия томони Ўзбекистонда амалга оширилаётган конституциявий ислоҳотларни олқишлашини таъкидлади.
Учрашув якунлари бўйича жорий йилнинг биринчи ярмида Осло шаҳрида сиёсий маслаҳатлашувларнинг навбатдаги раундини ташкил этиш ва икки давлат парламент делегацияларининг ташрифларини алмашиш масаласини ўрганиш бўйича келишувга эришилди.
