05/Январь/2022 Парламент
ТОШКЕНТ, 5 январь. /«Дунё» АА/. Эртага Ўзбекистон Республикаси Олий Мажлиси Сенати томонидан ЮНИСЕФ кўмагида ижтимоий ҳимояланмаган болаларни қўллаб-қувватлашга бағишланган давра суҳбати ўтказилади, деб хабар қилмоқда «Дунё» АА мухбири.
Тадбир Олий Мажлиснинг Бола ҳуқуқлари бўйича вакили ҳамда Маҳалла ва оилани қўллаб-қувватлаш вазирлиги ҳамкорлигида ташкил этилмоқда.
Давра суҳбати ўтказилишидан кўзланган мақсад - ўсмирларнинг ихтисослаштирилган тарбиялаш муассасаларига жойлаштирилишларининг олдини олиш ва уларнинг оилалари ҳамда жамиятга тўғри реинтеграциясини таъминлаш бўйича эришилган муваффақиятларни умумлаштириш билан изоҳланади.
Тадбирда Ўзбекистон Президентининг 29 май 2019 йилдаги «Ихтисослаштирилган ўқув-тарбия муассасалари фаолиятини тубдан такомиллаштириш тўғрисида»ги фармони ва вояга етмаганлар ўртасида ҳуқуқбузарликларнинг олдини олишга оид бошқа асосий меъёрий-ҳуқуқий ҳужжатлар ижроси доирасида парламент назоратининг таҳлил ва хулосалари натижалари тақдим этилади.
Давра суҳбати якуни бўйича ушбу йўналишдаги ишларни янада жадаллаштириш юзасидан тавсиялар ишлаб чиқилади.
