02/Август/2022 ТИВ янгиликлари
ТОШКЕНТ, 2 август. /«Дунё» АА/. Тошкентда ташқи сиёсат, савдо, иқтисодиёт ва транспорт масалаларига масъул бўлган вазирликлари раҳбарлари иштирокидаги “Ўзбекистон-Озарбайжон-Туркия” уч томонлама биринчи йиғилиши бошланди, деб хабар бермоқда “Дунё” АА мухбири.
Йиғилишни очар экан, Ўзбекистон ташқи ишлар вазири вазифасини бажарувчи Владимир Норов қуйидагиларни қайд этди:
- Бугунги учрашув бизларнинг ўзаро муносабатларимиздаги жуда муҳим воқеалар –Туркия Президенти Режеп Таййип Эрдоғаннинг 2022 йил мартида Ўзбекистонга буюрган расмий ташрифи ҳамда Озарбайжон Президенти Илҳом Алиевнинг жорий йил июнь ойидаги давлат ташрифидан сўнг рўй бермоқда.
Халқаро муносабатларда ҳамда глобал иқтисодиётда кечаётган жадал ва ноодатий жараёнлар ҳисобга олинганда “Ўзбекистон-Озарбайжон-Туркия” мулоқот форматини тузиш ҳар қачонгидан долзарб бўлиб тургани аён бўлади.
