04/Ноябрь/2022 Ҳамкорлик
ТОКИО, 4 ноябрь. /«Дунё» АА/. Ўзбекистоннинг Токио шаҳридаги элчихонаси томонидан мамлакатимиз туризм салоҳиятини кенг тарғиб қилиш мақсадида Япониянинг “PIVOT” медиакомпанияси контент-менежери Ж.Фукухара билан учрашув ўтказилди, деб хабар бермоқда “Дунё” АА мухбири.
Учрашувда Ўзбекистонда туризм бозорини эркинлаштириш, хорижий сайёҳларга қулайликлар яратиш ҳамда туризм соҳасида инвестициявий лойиҳаларни қўллаб-қувватлаш бўйича амалга оширилаётган ишлар ҳақида батафсил маълумот берилди.
Тадбир якунлари бўйича мамлакатимиз туризм салоҳияти, тарихий обидалари ҳақида японияликларни кенг хабардор қилиш ҳамда “Самарқанд бренди”ни тарғиб этиш мақсадида “PIVOT” медиакомпанияси журналистининг Ўзбекистонга ижодий сафарини ташкиллаштириш ва махсус видеоблог тайёрлашга келишиб олинди.
