Uz / Ўз Ru En

Toshkent

14/Декабрь/2020   Ватандошларимиз

Жанубий Корея телеканалида ўзбек миллий ресторани намойиш этилди


ТОШКЕНТ, 14 декабрь. /«Дунё» АА/. Жанубий Кореяда ватандошимиз Маҳмуд Абдуллаев томонидан фаолияти йўлга қўйилган «Лаззат» ўзбек миллий ресторани ҳақида ушбу мамлакатнинг  «SKY» телеканалида кўрсатув намойиш этилди. 

Туризмни ривожлантириш давлат қўмитаси маълум қилишича, «Hello plate» номли кўрсатувда ўзбек миллий таомлари ва унинг тайёрланиши ҳақида сўз юритилган. Бу маданий меросимизнинг ажралмас қисми бўлган ўзбек миллий таомларимизга чет элликларнинг қизиқиши ошиб бораётганидан далолат беради.  

Мазкур ресторан вакиллари Ўзбекистоннинг Жанубий Кореядаги элчихонаси томонидан ташкил этиладиган барча тадбирларда фаол иштирок этади.

 Маҳмуд Абдуллаев Сеул шаҳри ҳокимияти ва Жанубий Корея Туризм қўмитаси томонидан ўтказилаётган халқаро таомлар кўргазмаларида фахрли ўринларни эгаллаб келмоқда. Бу билан у Жанубий кореяликларни Ўзбекистонга саёҳат қилишга қизиқтириш, мамлакатимизнинг гастрономик туризм соҳасини ривожлантириш, унинг нуфузини халқаро миқёсда янада оширишга ҳисса қўшмоқда.

«Лаззат» миллий таомлар ресторани асосчиси ва раҳбари Маҳмуд Абдуллаев жорий йил Ўзбекистон Республикасининг «Туризм фидойиси» кўкрак нишони билан тақдирланди.

 Бугунга келиб ватандошимиз Жанубий Кореянинг онлайн савдо бозорида ва ривожланган етказиб бериш компаниялари рейтингида етакчи ўринларни эгаллаб турибди. 

Мавзуга оид

Россия олий ўқув юртларида таҳсил олаётг...

Ўзбекистоннинг Россиядаги элчихонаси Россия Истеъмолчилар ҳуқуқларини ҳимоя қилиш ва инсон...

Навбатдаги инсонпарварлик акцияси ҳақида...

Ўзбекистон Республикаси делегацияси Сурия Араб Республикасига ташриф буюриб, ушбу мамлакат...

ЮНИСEФ вакили: Ўзбекистоннинг «Меҳр» опе...

БМТ Болалар жамғармаси (ЮНИСEФ)нинг Ўзбекистондаги ваколатхонаси раҳбари Мунир Мамадзаде Ч...

Сўнгги янгиликлар