Uz / Ўз Ru En

Toshkent

Dunyo.info


СиёсатИқтисодиётДолзарбМаданиятСайёҳликМедиаЯна рукнлар

06/Декабрь/2021   Президент

Ўзбекистон Президенти Қозоғистоннинг Биринчи Президенти – Элбоши билан учрашди


ТОШКЕНТ, 6 декабрь. /«Дунё» АА/. Олий даражадаги музокаралардан сўнг Ўзбекистон Республикаси Президенти Шавкат Мирзиёев Қозоғистон Республикасининг Биринчи Президенти – Элбоши Нурсултон Назарбоев билан учрашди, деб хабар бермоқда “Дунё” АА мухбири.

Давлатимиз раҳбари матбуот хизмати маълумотига кўра, суҳбат аввалида Ўзбекистон Президенти Элбошини мустақил Қозоғистон асосчисининг улкан хизматлари эътирофи сифатида декабрь ойининг биринчи санасида нишонланадиган байрам - Биринчи Президент куни билан самимий қутлади.

Мамлакатимиз етакчиси Нурсултон Назарбоевнинг чуқур ўйланган сиёсати туфайли биродар Қозоғистон халқи ижтимоий-сиёсий ва социал-иқтисодий ҳаётнинг барча соҳаларида юксак муваффақиятларга эришганини таъкидлади.

Президентимиз Ўзбекистон ва Қозоғистон ўртасидаги стратегик шериклик ривожига Элбошининг шахсий ҳиссасини юқори баҳолади. Бугун Иттифоқчилик муносабатлари тўғрисидаги декларация имзолангани мулоқотларни фаоллаштириш жараёнининг мантиқий давоми бўлди.

Учрашувда икки томонлама ва минтақавий ҳамкорлик масалалари муҳокама қилинди. Марказий Осиё маконида сиёсий мулоқот фаоллашгани, Маслаҳат учрашувлари механизми йўлга қўйилгани, дўстлик ва ишонч муҳити шакллангани таъкидланди.

Нурсултон Назарбоев бу галги давлат ташрифи мамлакатларимиз ўртасидаги стратегик шериклик ва иттифоқчиликни мустаҳкамлашда муҳим аҳамият касб этишини қайд этди.

Сўнг Шавкат Мирзиёев Қозоғистон Республикасининг Биринчи Президенти музейига ташриф буюрди.

Бу ерда Назарбоевнинг иш хоналари асл ҳолича сақлаб қолинган. Йиғилишлар ва журналистлар билан учрашувлар ўтказилган мажлислар залида замонавий Қозоғистоннинг тараққиёт йўлига бағишланган экспозиция жойлашган. Кўплаб экспонатлар Қозоғистоннинг хорижий ҳамкорлар билан ташқи сиёсий алоқаларидан сўзлайди.

Давлатимиз раҳбари музей билан танишиб, Фахрий меҳмонлар китобида қайд ёзиб қолдирди.

Мавзуга оид

Ўзбекистон Президенти Покистон Бош вазир...

Ўзбекистон Президенти Шавкат Мирзиёев бугун Покистон Бош вазири Имрон Хон билан телефон ор...

Президент Шавкат Мирзиёев: Ўзбекистон ду...

Бирлашган Миллатлар Ташкилотининг Нью-Йоркдаги бош қароргоҳида бугун БМТ Бош Ассамблеясини...

Ўзбекистон Президенти: Бизга салоҳиятли ...

Президент Шавкат Мирзиёев бугун пойтахтимизнинг Мирзо Улуғбек туманидаги меҳнат таълимига ...

Сўнгги янгиликлар