02/Декабрь/2020 Долзарб
БОКУ, 2 декабрь. /«Дунё» АА/. Озарбайжоннинг ADA университети магистранти Ситора Турсунбоева Ўзбекистон Республикаси Конститутцияси қабул қилинганининг 28 йиллиги арафасида “Дунё” АА томонидан эълон қилинган «Конституцияси менинг ҳаётимда» акцияси саволларига жавоб берди.
— Конституция сиз учун нимани англатади?
—Конституция мен учун мамлакатимиздаги ҳуқуқ ва мажбуриятларимни кўрсатадиган асосий қоидалар тўпламидир. Қолаверса, бу бизнинг фаровон ва эркин ҳаётимиз, мамлакатимизни янада ривожлантириш ва фаровонлигининг асосидир.
— Конституциявий ҳуқуқларингизни тўлиқ биласизми?
— Ҳа, мен конституциявий ҳуқуқларимни тўлиқ биламан, чунки бизнинг ҳуқуқ ва эркинликларимиз Конституция - Асосий қонунимиз билан ҳимояланган. Шу пайтгача мен ўз ҳуқуқларимни ҳимоя қилиш билан боғлиқ воқеаларга дуч келган эмасман.
— Касб фаолиятингизда ва кундалик ҳаётингизда конституциявий принциплардан фойдаланасизми?
— Мамлакатимизда сайловлар ўтказилганда, мен конституциявий овоз бериш ҳуқуқидан фойдаланаман ва номзодларга нисбатан танлов қиламан.
— Сиз учун Конституция куни нимани англатади ва бу байрамни қандай нишонлайсиз?
— Конституция фаровон ҳаётимизнинг асосидир. Конституция куни давлат байрами ва бу кун мен учун жуда ҳам муҳим кун. Мен буни оилам билан нишонлайман.
