11/Апрель/2021   ТИВ янгиликлари

Ташқи ишлар вазирлиги вакиллари Оҳангарон шаҳридаги «Технопарк» имкониятлари билан танишди — фоторепортаж

ТОШКЕНТ, 11 апрель. /«Дунё» АА/.  Ташқи ишлар вазирлиги вакиллари Оҳангарон шаҳридаги 6- мактаб ва «Технопарк» фаолияти билан танишди, деб хабар бермоқда «Дунё» АА мухбирлари Жобир Хўжақулов ва Анвар Илёсов (фото).

Оҳангарон шаҳар ёшларининг замонавий билимларга эга бўлиши ва инновацион ёндашувларини рўёбга чиқаришга йўналтириш мақсадида  «Технопарк» ташкил этилган.

Ўзбекистоннинг Япониядаги элчихонаси кўмагида ушбу мамлакатнинг «Беанз» компанияси ва Оҳангарон шаҳридаги    «Технопарк» ўртасида ҳамкорлик алоқаларини ўрнатиш бўйича музокаралар олиб борилмоқда. Ушбу саъй-ҳаракатлар доирасида 50 нафар йигит-қизнинг 10 ойлик дастурчиликка беғараз ўқитиш лойиҳаси ишлаб чиқилмоқда. Ушбу лойиҳани жорий йилда бошлаш режалаштирилган.

Шаҳардаги 6-мактаб ўқувчиларига ҳам замановий ахборот технологиялари чуқур ўргатилмоқда. «Технопарк» томонидан мазкур мактабда махсус инновацион синф ташкил этилган.  

Ташқи ишлар вазирлиги ва шаҳар раҳбарияти «Технопарк» имкониятларини кенгайтириш ва хорижий давлатларнинг етакчи IT-компаниялари билан ҳамкорлик алоқаларини ўрнатиш бўйича келишиб олди.