DEHLI, 24-may. /“Dunyo” AA/. O‘zbekiston Prezidenti Administratsiyasi rahbari Saida Mirziyoyeva Hindiston poytaxtida AQSH davlat kotibi Marko Rubio bilan uchrashdi, deb xabar bermoqda “Dunyo” AA muxbiri.

“Nyu-Dehlida AQSH Davlat kotibi Marko Rubioning Hindistonga tashrifi munosabati bilan o‘tkazilgan qabul marosimida ishtirok etdim, ­– deb yozdi bugun O‘zbekiston Prezidenti Administratsiyasi rahbari Saida Mirziyoyeva o‘zining telegram-kanalida. – Amerikalik hamkorlar bilan savdoni kengaytirish va yangi investitsiyalarni jalb etish bo‘yicha jonli muloqotimizni davom ettirish imkoniyatidan mamnunman” – dedi u.

AQSH Davlat departamenti maʼlumotlariga ko‘ra, davlat kotibi Marko Rubioning 23–26-may kunlari Hindistonga tashrif bo‘lib o‘tmoqda. Maʼlum qilinishicha, Hindistonning yuqori martabali rasmiylari bilan uchrashuvlarda davlat kotibi energetika xavfsizligi, savdo va mudofaa sohasidagi hamkorlik masalalarini muhokama qiladi.