10/Iyun/2020 Iqtisodiyot
TOSHKENT, 10-iyun. /“Dunyo” AA/. “O‘zstandart” agentligi va Yevropa standartlashtirish tashkiloti (CEN) o‘rtasida hamkorlik bitimi imzolandi, deb xabar bermoqda “Dunyo” AA muxbiri agentlik manbasiga asoslanib.
Bitim bilan Yevropa ctandartlashtirish tashkiloti (CEN)dan 54 ta Yevropa standartlari olindi. Shuningdek, Xalqaro elektrotexnika komissiyasi (IEC)dan elektrotexnika mahsulotlariga oid qo‘shimcha 200 ta bepul xalqaro standartlarni olish va keng foydalanish imkoniyati yaratildi.
Qayd etish joiz, joriy yilning 19-fevral kuni Xalqaro elektrotexnika komissiyasidan 74 ta IEC xalqaro standartlari olingan edi.
Bu kabi Yevropa standartlari mahalliy ishlab chiqaruvchilarga mahsulotlarni Yevropa standartlariga muvofiq ishlab chiqarish, sifatini yaxshilash, raqobatbardoshligini oshirish va ularni eksportga yo‘naltirishga imkon beradi.
