Uz / Ўз Ru En

Toshkent

28/Noyabr/2022   Investitsiyalar

ITSV: Janubiy Koreya kompaniyalari Qashqadaryo viloyati EIZga qiziqish bildirmoqda

TOSHKENT, 28-noyabr. /Dunyo» AA/. Qarshi shahrida O‘zbekiston Investitsiyalar va tashqi savdo vazirligining (ITSV) Qashqadaryo viloyati boshqarmasi, Erkin iqtisodiy zona direksiyasi rahbariyati hamda «SK Nexilis Co. Ltd» (Janubiy Koreya) kompaniyasining global kengaytirishni rejalashtirish guruhi menejerlari Li Terin va Li Jimin ishtirokida muzokaralar bo‘lib o‘tdi, deb xabar qilmoqda “Dunyo” AA muxbiri.


ITSV maʼlumotiga ko‘ra, uchrashuvda investitsiya loyihalarini amalga oshirishga koreyalik hamkorlarni jalb etish istiqbollari muhokama qilindi.

Xususan, Janubiy koreyalik hamkorlarga EIZda yaratilgan shart-sharoitlar, infratuzilmaviy imkoniyatlar, xorijiy investorlarning qulay faoliyat yuritishi uchun berilayotgan imtiyoz va preferensiyalar haqida batafsil maʼlumot berildi.

Qo‘shma va xorijiy korxonalar faoliyatini tashkil etishning amaliy jihatlari muhokama qilindi. Janubiy koreyalik hamkorlarni qiziqtirgan savollarga atroflicha javob qaytarilib, investitsiya loyihalarini qurish, ishga tushirish va kelgusida faoliyat yuritish jarayonida har tomonlama yordam ko‘rsatishga tayyorlik bildirildi.

Uchrashuv yakunlari bo‘yicha tomonlar istiqbolli investitsiyaviy takliflarni o‘rganish maqsadida turli formatlarda hamkorlikni davom ettirishga kelishib oldi.

Mavzuga oid

SPEKA ishtirokchilari Olmaotada hamorlik...

16-17-noyabr kunlari Olmaotada BMTning Osiyo va Tinch okeani uchun Iqtisodiy va ijtimoiy k...

O‘zbekiston va Osiyo taraqqiyot banki va...

O‘zbekiston Investitsiyalar va tashqi savdo vazirligi (ITSV) huzuridagi Xalqaro hamkorlik ...

O‘zbekistonning xorijiy davlatlardagi va...

O‘zbekiston Innovatsion rivojlanish vazirligida mamlakatimizning xorijiy davlatlardagi vak...

So`nggi yangiliklar