Uz / Ўз Ru En

Toshkent

19/Yanvar/2022   Ta'lim

Toshkent axborot texnologiyalari universiteti Avstriyaning Klagenfurt universiteti bilan hamkorlik shartnomalarini imzoladi

TOSHKЕNT, 19-yanvar. /«Dunyo» AA/. Muhammad al-Xorazmiy nomidagi Toshkent axborot texnologiyalari universiteti Avstriyaning Klagenfurt universiteti bilan ilmiy yo‘nalishda hamda qo‘shma ta’lim dasturi bo‘yicha hamkorlik shartnomalarini imzoladi, deb xabar bermoqda «Dunyo» AA muxbiri.


Ushbu ikki tomonlama hujjat Toshkent axborot texnologiyalari universitetining magistratura mutaxassisligi bo‘yicha besh yo‘nalishda tahsil oluvchi talabalari uchun yangi imkoniyatlarni yaratadi.

Qayd etilishicha, beshta mutaxassislik talabalarining eng iqtidorlilari saralab olinib, ular Klagenfurt universitetida 1 yoki 2 semestr davomida o‘qishini davom ettirish hamda har ikki tomonning diplomiga ega bo‘lishlari mumkin.

Bundan tashqari, universitetning ilmiy izlanuvchilari, doktorantura hamda magistratura talabalari ikki universitet professor-o‘qituvchilarini hamkor ilmiy rahbar sifatida tanlash imkoniyatiga ega bo‘lishadi. 

Toshkent axborot texnologiyalari universiteti manbasiga ko‘ra,  Klagenfurt universiteti bilan o‘rnatilgan yaqin aloqalar ERASMUS+ INTRAS  loyihasi doirasida boshlangan.  Unga binoan shu kunga qadar  10 dan ortiq ilmiy maqolalar chop etildi. Universitetning 2 nafar o‘qituvchisi xorijda amaliyot o‘tadi. Hademay universitetning yana ikki nafar tadqiqotchisi besh oylik almashuv dasturi doirasida Avsriyaga jo‘nab ketadi.

Mavzuga oid

Markaziy Osiyo davlatlari o‘rtasida oliy...

O‘zbekiston oliy va o‘rta maxsus taʼlim vaziri Abduqodir Toshqulov Qozog‘istonning Turkist...

Ukraina va O‘zbekiston universitetlari o...

Universitetlararo hamkorlikni yo‘lga qo‘yish maqsadida Ukrainaning Xerson davlat universit...

Buyuk Britaniya mutaxassislari O‘zbekist...

Londondagi elchixonamiz tomonidan O‘zbekiston Vazirlar Mahkamasi huzuridagi Xorijiy tillar...

So`nggi yangiliklar