30/May/2023 Sport
TOSHKENT, 30 may. /“Dunyo” AA/. Bugun Argentinada davom etayotgan 20 yoshgacha bo‘lgan futbolchilar o‘rtasidagi Jahon chempionatining nimchorak final bahslari boshlanadi, deb xabar bermoqda “Dunyo” AA muxbiri.
Ushbu bosqichga yo‘llanma olgan O‘zbekiston yoshlar terma jamoasi nimchorak finalda Isroil terma jamoasiga qarshi maydonga tushadi.
Uchrashuv Argentinaning «Malvinas Arxentina» stadionida bo‘lib o‘tadi. O‘zbekistonlik futbolchilar bahsda oq libosda, darvozabon esa to‘q sariq libosda harakat qiladi.
Afsuski, bu o‘yinni jamoamiz sardori Umarali Rahmonaliyev sariq kartochkalari ko‘payib ketgani bois, o‘tkazib yuboradi.
O‘yinga argentinalik Falkon Yayel bosh hakam sifatida tayinlangan. Unga qanotlarda hamyurtlari Del Yesso Maksimiliano va Rodrigez Fakundo yordam beradi.
Uchrashuv Toshkent vaqti bilan 31 mayga o‘tar kechasi, soat 02:00 da boshlanadi.
Mazkur bahs g‘olibi chorak finalda Braziliya-Tunis qarama-qarshiligi g‘olibi bilan kuch sinashadi.
